नवनीत
डॉ. कमला सोहोनी
Published: Monday, October 13, 2014
पीएचडी झाल्यावर त्यांनी तेथे राहूनच संशोधन करावे, असा आग्रह पुढे ज्यांना नोबेल पुरस्कार मिळाला ते चंद्रशेखर रामन कमलाबाईंना करीत असतानाही देशप्रेमाखातर कमला भारतात आल्या. दिल्लीच्या लेडी हाìडग मेडिकल कॉलेजात जीव-रसायनशास्त्र शिकवू लागल्या; पण येथे संशोधनाला वाव नसल्याने त्या कुन्नूरच्या भारतीय वैद्यकीय संशोधन प्रयोगशाळेत आहारशास्त्रावर संशोधन करू लागल्या. तेथे त्यांनी 'प' (बायोफ्लॉवानॉइड्) व 'क' जीवनसत्त्व एकत्रितपणे वापरले तर त्यामुळे रक्तवाहिन्या मजबूत होतात हे संशोधनातून सिद्ध केले. नंतर त्या विवाहबद्ध होऊन कमला सोहोनी झाल्या. मुंबईला येऊन इन्स्टिटय़ूट ऑफ सायन्समध्ये प्राध्यापकी व संशोधन करू लागल्या. कुपोषितांच्या अन्नात नीरेचा उपयोग केल्यास त्यांना त्याचा फायदा होतो हे त्यांनी शोधले. कडधान्ये, भाज्या व धान्यातील पोषणमूल्ये त्यांनी निश्चित केली. दूध प्रकल्पातील दुधाची गुणवत्ता त्यांनी वाढवून दिली. कंझ्युमर गायडन्स सोसायटीच्या त्या एक संस्थापिका होत्या.
No comments:
Post a Comment