नवनीत
अ‍ॅल्युमिनिअम फॉइल
Published: Thursday, September 25, 2014
ही फॉइल अपारदर्शक असल्यामुळे प्रकाशापासून पदार्थाचे संरक्षण होते. म्हणून खायच्या वस्तू, औषधे, सौंदर्य प्रसाधने इ. फॉइल वापरून प्रकाश आणि हवा यांपासून संरक्षित केली जातात. अ‍ॅल्युमिनिअम फॉइल ही कागदी किंवा प्लास्टिक बॉक्स यांवर लॅमिनेट करता येत असल्याने या फॉइलचा वापर मोठय़ा प्रमाणात वाढला आहे.
खरे तर अ‍ॅल्युमिनिअम हा धातू रासायनिकदृष्टय़ा क्रियाशील आहे. क्षरणाच्या संदर्भात अ‍ॅल्युमिनिअम धातूचे एक वैशिष्टय़ आहे. हा धातू हवेच्या संपर्कात आला, की हवेतील ऑक्सिजनबरोबर संयोग पावून अ‍ॅल्युमिनिअम ऑक्साइड (अ‍ॅल्युमिना) तयार होऊन त्याचा एकसंध थर धातूवर जमा होतो. अ‍ॅल्युमिना रासायनिकदृष्टय़ा अक्रियाशील असल्याने त्यावर अन्नद्रव्यातील सौम्य आम्लांचा काहीच परिणाम होत नाही. हा थर आतील अ‍ॅल्युमिनिअम धातूला धट्ट धरून बसत असल्याने थराखालील अ‍ॅल्युमिनिअम धातूचा हवा आणि पाण्याशी संपर्क येत नाही, म्हणून अ‍ॅल्युमिनिअम धातूचे क्षरण होत नाही.
अशी ही फॉइल प्रथम १९१०मध्ये स्वित्र्झलडमध्ये तयार केली. यासाठी शुद्ध अ‍ॅल्युमिनिअम किवा अ‍ॅल्युमिनिअमची संमिश्रे वापरली जातात. पूर्वी टिन(कथिल)ची फॉइल वापरात होती. पण पॅकेजिंगमध्ये टिन फॉइल वापरल्याने आतील पदार्थाच्या स्वादात फरक पडत असे. त्यामुळे टिन फॉइलऐवजी आता अ‍ॅल्युमिनिअम फॉइलचा वापर होतो.
No comments:
Post a Comment